छुप छुप आवे श्याम, लेके ग्वाल बाल है,ऐसो री यशोदा

छुप छुप आवे श्याम, लेके ग्वाल बाल है,
ऐसो री यशोदा मैय्या तेरो नंदलाल है | 
ऐसो री हटीलो मैय्या तेरो नंदलाल है || 

ग्वाल बाल संग लेके घर मेरे आ गए,
माखन को खाए मेरी, मटकी गिरा गए | 
अंगूठा दिखावे चले टेढ़ी मेढ़ी चाल है |
ऐसो री यशोदा मैय्या तेरो नंदलाल है||1||

देख री यशोदा मैय्या, श्याम बड़ो सरारी है,
डगर चालत मेरी गागर फ़ूड डारी है |
फिर भी दिखावे मोहे आँखें लाल लाल है |
ऐसो री यशोदा मैय्या तेरो नंदलाल है||2||

तोसे कुछ कहे तो तू कान से निकाल दे,
बार बार श्याम की बलैय्या ले के टार दे |
द्वार पे पुकारे खड़े सभी गोप ग्वाल है |
ऐसो री यशोदा मैय्या तेरो नंदलाल है||3||

बोली रे यशोदा मोसे कीमत घराये ले,
एक एक गागर की सौ सौ तू भराई ले |
गाली मत दीजो मो गरीबनी को लाल है |
ऐसो री यशोदा मैय्या तेरो नंदलाल है ||4||


''जय श्री राधे कृष्णा ''