म्हारों सांवरियों गिरधारी, उभों जमुना की तीर।

म्हारों सांवरियों गिरधारी, उभों जमुना की तीर।

जमुना तू सुहावणी जी, निर्मल थारो नीर।
पानी भरे पनी हारिया , ओढ़े दखनी चीर॥
म्हाने घड़ो ऊंचा ता जाज्यो। कान्हा जमुना की तीर||1||

तन चाँवल मन लापसी जी, नैना घी की धार।
परूसन वाली राधिका जी, जीमो नन्द कुमार॥
मै मनुहारां कर कर हारी। कान्हा जमुना की तीर||2||

किन राजा की डीकरी जी, कांई तुम्हारों नाम।
वृष भान की लाड़ली जी, राधा म्हारों नाम॥
म्हणे घड़ी घड़ी कांई पूछो। कान्हा जमुना की तीर||3||

कहाँ तुम्हारों सासरो जी, कहाँ तुम्हारों पीर।
गौकुल म्हारों सासरो, बरसाने म्हारों पीर॥
थांने उत्तर दे दे हारी। कान्हा जमुना की तीर||4||

सालु सांगानेर को जी, रंगियों ढोल्यो ढ़ाल।
पगां मे पायल बाझणी जी, नथड़ी भलका दार॥
म्हारे चूडले चुंप दिरावों। कान्हा जमुना की तीर||5||

चन्द्र सखी की विनती थें, सुनजो सिरजन हार।
आया शरण मे सोरा राखज्यो, भव भव रा भरतार॥
म्हाने चरणा री दासी राखो। कान्हा जमुना की तीर||6||

''जय श्री राधे कृष्णा ''