बरसानेकी नवल नार मिलि

बरसानेकी नवल नार मिलि 
                     होरी खेलनि आई हो ||


बरबट धाय जाय जमुना तट 
                      घेरे कुंवर कन्हाई ||1||




अतिझीनी केसरि रंग भीनी 
                         सारी सुरंग सुहाई ||


कंचन बरन कंचुकी उपर 
                झलकत जोवन झांई ||2||




केसरि कस्तुरी मलयागर 
                   भाजन भरी भरी लाई ||
अबीर गुलाल फेंट भरि भामिनी
              करन कनिक पिचकाई ||3||




खेलत खेलत रसिक शिरोमनि 
                     राधाजु निकट बुलाई ||
रुषिकेष प्रभु रीझि श्यामघन 
                      बनमाला पहराई ||4||





जय श्री राधे कृष्ण 
श्री कृष्णाय समर्पणं