आरती बाल कृष्ण की कीजे

आरती बाल कृष्ण की कीजे
अपनों जन्म सफल कर लीजे |

श्री यशोदा को परम दुलारो
बाबा की अखियन को तारो
गोपिन के प्रानन ते प्यारो
इन पे प्राण नौछावर कीजे ||1||

बलदाऊ को छोटो भैया
कनुआ कह कह बोले मैया
परम मुदित मन लेत बलैया
यह छवि नैनन मे भर लीजे ||2||

श्री राधावर सुबर कन्हैया
बिरज जन को नवनीत खिवैया
देखत ही मन लेत चुरैया
अपनो सर्वस इन को दीजे ||3||

तोतरी बोलन मधुर सुहावे
सखन संग खेलत सुख़ पावे
सोई सुखति जो इनको ध्यावे
अब इन को अपनो कर लीजे ||4||

''जय श्री राधे कृष्णा ''