अब तो मान कह्यो मेरी माय, मनै सांवरियो परणाय |सांवरियो

अब तो मान कह्यो मेरी माय, मनै सांवरियो परणाय |
सांवरियो परणाय मात मेरी, सांवरियो परणाय ||




ऐसे वर को क्या वरु जो, जनम और मर ज्याय |
वर कहिये मेरो सांवरो रे, अमर चूड़ो हो ज्याय || १ ||




जहर पियालो राणो भेजियो रे, द्यो मीरा ने जाय |
कर चरणामृत पी गई रे, थे जाणो यदुनाथ || २ ||




सर्प पिटारो राणो भेजियो रे, द्यो मीरा ने जाय |
खोल पिटारो मीरा पहरियो रे, बण गयो नौशर हार || ३ ||




मीरा हरी की लाडली रे, राणों बन को ठूंठ |
समझायो समझ्यो नहीं रे, ले ज्याति बैकुंठ || ४ ||




मीरा जन्मी मेड़ते रे, राणों गढ़ चित्तोड |
कलियुग में भगति करी रे, गुरु मिल्या रैदास || ५ ||




अब तो मान कह्यो मेरी माय, मनै सांवरियो परणाय |
सांवरियो परणाय मात मेरी, सांवरियो परणाय ||





                                                                                                   


    जय श्री राधे कृष्ण

    श्री कृष्णाय समर्पणम्