भजन-श्याम बुलावै🌹

               
तर्ज़- पल्लो लटकै
                 
श्याम बुलावै है, जी म्हानै, श्याम बुलावै है
"कै आयो"-3, खाटू सै बुलावो म्हानै, श्याम बुलावै है
                 
भोरै भोरै रोज हवा को मीठो झोंको आवै
"कै आजा"-3, आजा खाटू धाम म्हारै, कान मँ केह ज्यावै
कान मँ केह ज्यावै जी म्हारै, कान मँ केह ज्यावै
"कै आयो"-3, खाटू सै ||1||


                
दिनगै पैल्यां, बैठ झरोखै, सोन चिड़ी यूँ गावै
"कै क्यूँ ना"-3, श्याम ध्वजा बणवाकर पैदल, खाटू ले ज्यावै
खाटू ले ज्यावै जी पैदल, खाटू ले ज्यावै
"कै आयो"-3, खाटू सै ||2||


                 
सँगी साथी आड़ोसी पा-ड़ोसी भी सहरावै
"कै तेरो"-3, मन चायो तन्नै मिळग्यो तेरी, किस्मत रँग ल्यावै
किस्मत रँग ल्यावै जी तेरी, किस्मत रँग ल्यावै
"कै आयो"-3, खाटू सै  ||3||

                  



कहवै 'रवि' साँवरियो म्हासै, गैहरो प्यार करै
"कै म्हापर"-3, रोज रोज यो म्हैर लुटावै, किरपा बरसावै
किरपा बरसावै र म्हापर, किरपा बरसावै
"कै आयो"-3 खाटू सै ||4||
                 
🏻रविन्द्र केजरीवाल 'रवि' 👏🏻








जै श्री राधे कृष्ण


🌺
श्री कृष्णायसमर्पणं