मृगनयनी को यार नवल रसिया, नवल रसिया ।।

मृगनयनी को यार नवल रसिया,
                                 नवल रसिया ।। 



बडी बड़ी अखीया नैंनन मैं सुरमा, 

तेरी टेढी चितवन मेरे मन बसिया ||1||




अतलस को याके लहैंगा सोहे,
झुमक सारी मेरे मन बसिया ||2||




छोटी छोटी अंगुरिन मुंदरी सोहे,
याके बिच आरसी नवल रसिया. ||3||




याके बांह बड़ाे बाजूबन्द सोहे,
याके हियरे हार दिपत छतिया ||4||




रंगमहल मैं सेंज बिछाई,
याके लाल पलंग पचरंग तकिया ||5||




पुरुषोत्तम प्रभु देख विवश भये,
सबे छांड ब्रजमे बसिया.. ||6||




जै श्री राधे कृष्ण


🌺

श्री कृष्णायसमर्पणं