श्रीराधा मोहनजीको रूप निहारो ॥छोटे भैया कृष्ण बडे बलदाऊं ,चंद्रवंश

श्रीराधा मोहनजीको रूप निहारो ॥


छोटे भैया कृष्ण बडे बलदाऊं ,
चंद्रवंश उजिआरो ॥१॥


मोर मुगुट मकराकृत कुंडल,
 पितांबर पट बारो ॥२॥


हलधर गिरधर मदन मनोहर,
 जशोमति नंद दुलारो  ॥३॥


शंख चक्र गदा पद्म विराजे ,
असुरन भंजन हारो ॥४॥


जमुना के नीर तीर धेनु चरावे,
 ओढे कामर कारो ॥५॥


निरमल जल जमुनाजी को कीनो,
 नागनाथ लीयो कारो ॥६॥


इंद्र कोप चढे व्रज उपर ,
नखपर गिरवर धारो ॥७॥


कनक सिंहासन जदुवर बैठे,
 कोटि भानु उजिआरो ॥८॥


माता जशोदा करत आरती ,
बार बार बलिहारो ॥९॥


सूरदास हरि को रूप निहारे,
 जीवन प्रान हमारो  ॥१०॥


जै श्री राधे कृष्ण
🌺






श्री कृष्णायसमर्पणं