द्वार पतित इक आयो री किशोरी राधे।

द्वार पतित इक आयो री किशोरी राधे।

मांगत भीख प्रेम की यद्यपि, पात्र संग नहि लायो री किशोरी राधे ||1||

विष्ठा विषय हेतु नित अब लौं,
शूकर ज्यों भटकायो री किशोरी राधे ||2||

संतन कह्यो नेकु नहिं मान्यो,
कियो सदा मनभायो री किशोरी राधे ||3||

जानि जानि अपराध करत नित,
नेकहुँ नाहिं लजायो री किशोरी राधे ||4||

नर तन हरि हरिजन अनुकम्पा,
सब ही पाय गमायो री किशोरी राधे ||5||

तुम बिनु हेतु कृपालु कृपालुहि,
पुनि काहे बिसरायो री किशोरी राधे ||6||

अज्ञात

''जय श्री राधे कृष्णा ''