सुनेरि मैंने निरबल के बलराम।पिछली साख भरुं सन्तन की, अड़े

 सुनेरि मैंने निरबल के बलराम।




पिछली साख भरुं सन्तन की,
        अड़े संवारे काम ||1||



जब लगि गज बल अपनो बरत्यो,
        नेक सरयो नहिं काम||2||



निरबल हैव् बलराम पुकारयो,
        आये आधे नाम ||3||



द्रुपद सुता निरबल भइ ता दिन,
        तजि आये निज धाम||4||



दुस्सासन की भुजा थकित भईं,
        वसन रूप भये श्याम ||5||



अप-बल तप-बल और बाहु-बल,
        चौथो है बल-दाम||6||



'सुर किशोर'-कृपा ते सब बल,
        हारे को हरिनाम ||7||

जय श्री राधे कृष्ण
 श्री कृष्णाय समर्पणम्