श्रीराधारानी-चरन बंदौं बारम्बार।जिनके कृपा-कटाच्छ तें रींझें नंदकुमार।।जिन के पद-रज-परस तें

श्रीराधारानी-चरन बंदौं बारम्बार।
जिनके कृपा-कटाच्छ तें रींझें नंदकुमार।।


जिन के पद-रज-परस तें स्याम होयँ बेभान।
बंदौं तिन पद-रज-कननि मधुर रसनि के खान  ||1||


जिन के दरसन हेतु नित बिकल रहत घनस्याम।
तिन चरननि में बसै मन मेरौ आठौं जाम  ||2||


जिन पद-पंकज पर मधुप मोहन-दृग मँडरात।
तिन की नित झाँकी करन मेरौ मन ललचात ||3||


' रा ' अच्छर कौं सुनत ही मोहन होत बिभोर।
बसै निरंतर नाम सो ' राधा ' नित मन मोर  ||4||




जय श्री राधे कृष्ण
श्री कृष्णाय समर्पणम्