सखी आओ री सखी आओ री, मोहन जु को गारी सुनाओ री|

सखी आओ री सखी आओ  री,
मोहन जु को गारी सुनाओ  री|




हरी नागर री हरी नागर  री,
जाको बाबा नन्द उजागर  री

हरी कारो री हरी कारो  री
ये द्वै बापन को बारो  री ||1||




याके दोउ बाप सब जाने  री
जाको वेद पुरान बखाने  री  

हरी मधुकर री हरी मधुकर  री
रस चाखत डोले घर घर  री ||2||




हरी नटवा री हरी नटवा  री
राधाजी के आगे लटुवा  री

हरी खंजन री हरी खंजन  री
ब्रज युवतिन के मन रंजन  री||3||




हम भरिहैं री  भरिहैं  री
राधा प्यारी कहे सो करिहैं  री

मुख मांडो री मुख मांडो  री 
इनपे लै फगुवा तब छांडो  री ||4||




हरी होरी री हरी होरी  री
बनी राधा मोहन की जोड़ी  री

यह जस परमानन्द गावे  री
कछु रहस बधाई पावे  री ||5||






जय श्री राधे कृष्ण


श्री कृष्णाय समर्पणम्