माखन की चोरी छोड़ साँवरे मैं समझाऊँ तोय।

माखन की चोरी छोड़ साँवरे मैं समझाऊँ तोय।


नौ लख धेनु नंदबाबा घर नित नयो माखन होय।
बड़ो नाम तेरो नंदबाबा को हँसी हमारी होय।।1||


बरसाने तेरी भई सगाई नित नई चर्चा होय।
बड़े घरन की राजदुलारी नाम धरेंगी तोय।।2||



मोते कहे गैयन पे जाऊँ रह्यो खिरक में सोय।
ग्वालिन के घर जाय बतरायो तेने दई कमरिया खोय।।3||




या चोरी मैं नाय छोडूँ मैया होनी होय सो होय।
सूर श्याम यशुदा के आगे दियो साँवरो रोय ||4||




जै श्री राधे कृष्ण

🌺
श्री कृष्णायसमर्पणं
🌺