आओ री सहेलियो मिल.. मंगल गाओ री,

आओ री सहेलियो मिल.. मंगल गाओ री,
श्री यमुना महरानी ने लाड लडाओ री |


कुंज निकुंज धरे हैं सिंहासन,

मखमल गादी तकिया धराओ री ||1||




केसरिया वस्त्र विविध आभूषण,
नख शिख, नवल श्रिंगार धराओ री ||2||


.
फूल गुलाब मनोहर माला,
कर मनुहार प्यारी को पहराओ री  ||3||



मधु मेवा पकवान मिठाई,
कनक कटोरा भर भोग धराओ री ||4||



शीतल जल जमुना जल झारी,
सुगंध सहित बीडा पान धराओ री  ||5||


चुन चुन कालियां सेज बिछाई,
रसिक प्रीतम संग प्यारी को रचाओ री  ||6||



नाचो गाओ मृदंग बजाओ,
रसिक प्रीतम संग प्यारी को रिझाओ री ||7||




जय श्री राधे कृष्ण




       श्री कृष्णाय समर्पणम्