मन पछितैहै अवसर बीते। दुरलभ देह पाइ हरिपद भजुकरम बचन

मन पछितैहै अवसर बीते।


दुरलभ देह पाइ हरिपद भजु
करम बचन अरु ही ते ॥1||



सहसबाहु दसबदन आदि नृप
बचे न काल बलीते||2||


हम-हम करि धन-धाम सँवारे
अंत चले उठि रीते ॥3||



सुत बनितादि जानि स्वारथरत
न करु नेह सबही ते।|4||


अंतहु तोहिं तजैंगे पामर!
तू न तजै अबही ते ॥5||
  

अब नाथहिं अनुरागु जागु जड़
त्यागु दुरासा जी ते।|6||


बुझे न काम अगिनि तुलसी कहुँ
विषय-भोग बहु घी ते ॥7||

जय श्री राधे कृष्ण



       श्री कृष्णाय समर्पणम्