मोरी चुनरी मे लग गयो दाग री,श्याम ऐसो चटक रंग

मोरी चुनरी मे लग गयो दाग री,
श्याम ऐसो चटक रंग डारयो |




एक से एक या ब्रज म सुन्दर,
ये तो मो से ही खेले फाग री,
श्याम ऐसो चटक रंग डारयो ||1||




औरन को आँचल नही पकडे,
यां की मो से ही लग रही लागरी,
श्याम ऐसो चटक रंग डारयो ||2||




यां रसिया बिन चैन न आवे,
ऐसी होरी म लग जावे आग री,
श्याम ऐसो चटक रंग डारयो ||3||




चन्द्र सखी भज बाल कृष्ण छवि,
आज खुले हमारे भाग री,
श्याम ऐसो चटक रंग डारयो ||4||


जै श्री राधे कृष्ण

🌺

श्री कृष्णायसमर्पणं