झूठो धन मैं क्षण क्षण जोड्यो साचो धन बिसराय दियोश्यामाश्याम

झूठो धन मैं क्षण क्षण जोड्यो साचो धन बिसराय दियो
श्यामाश्याम न भजयो मुख ते हृदय संसार बैठाय रह्यो|




हरिनाम को रस न चाख्यो विषयन माँहि भरमाय रह्यो
बीत चली तेरी व्यर्थ उमरिया बाँवरी व्यर्थ जीवन गमाय रह्यो||1||




अबहुँ जाग ले भजन बने कछु क्षण क्षण नाम बिन जाय रह्यो
हरिनाम की महिमा अनुपम सत्संग तोहे बताय रह्यो ||2||




रहे सदा तू मूक बधिर ही श्यामाश्याम न गाय रह्यो
नैनन ते हरि रूप न देख्यो जगत को विष्ठा खाय रह्यो ||3||




सब इंद्री हरि अर्पण कीजो नाम रूप युगल को समाय रह्यो
हरि सों माँगों हरि प्रेम नित तेरी जन्म अकारण जाय रह्यो ||4||


जै श्री राधे कृष्ण



🌺




श्री कृष्णायसमर्पणं