बाजे बाजे रे बधाई मैया तेरे अंगना|बड़ो अनोखो लाला जायोश्याम रंग

बाजे बाजे रे बधाई 
मैया तेरे अंगना|



बड़ो अनोखो लाला जायो
श्याम रंग सब के मन भायो
उमंग उमंग सब चले नन्द घर
बांधे बंधना ||1||





नन्द भवन एसो सजवायो
वैकुण्ठहुँ को दियो लजायो
सब लोकन ते घनो सुहायो
टोल टोल गोपी उठ धाईं
गावें मंगना ||2||





ब्राह्मण अपने वेद पढ़त हैं
नन्द बाबा जू दान देत हैं
पाग पिछोरा ग्वाल लेत हैं
गोपिन को दियो लहंगा फरिया
रतन जड़ित कंगना ||3||





नाच नाच के प्रेम दिखायो
नन्द भवन मे  धूम मचायो
देत असीस सबन मन  भायो
अरी  यशोदा रानी तेरो जीवे छंगना ||4||



जय श्री राधे कृष्ण



       श्री कृष्णाय समर्पणम्